Crew Manager er ein trygg og effektiv skipan til manningarplanlegging, førleikayvirlit og compliance. Loysnin hjálpir fyritøkum at planleggja arbeiði, skráseta aktivitetir og prógva, at manningin lýkur krøv frá myndugleikum og kundum.
Í vinnum við kompleksari manning og strongum krøvum kann tað vera tíðarkrevjandi at tryggja, at røttu fólkini eru á røttum staði — við røttu førleikunum og galdandi prógvum.
Við KLINTRA | Crew Manager verða manningarplanlegging, aktivitetir, førleikar, prógv og compliance savnað í einari skipan. Tað gevur betri yvirlit, færri feilir og skjótari dokumentatión, tá myndugleikar ella kundar krevja tað.
Skráset aktivitetir dag fyri dag — fyri einstøk starvsfólk ella arbeiðsbólkar. Brúka egna arbeiðsætlanarsnið til ymisk arbeiðsstøð og starvsbólkar.
Váttað um manningin lýkur krøvini á ávísari dagfesting, og finn skjótt møgulig brek, áðrenn tey gerast ein trupulleiki.
Skráset persónsupplýsingar, størv, førleikar, prógv og skjalprógv. Fá yvirlit yvir galdandi prógv og møguligar útgongufreistir.
Leita eftir fólki við ávísum førleikum, ger rapportir og útflyt yvirlit yvir eitt nú CV, kontaktupplýsingar, førleikar, arbeiðsdagar
Crew Manager er serliga viðkomandi fyri fyritøkur og stovnar, sum arbeiða við kompleksari manning, skiftandi arbeiðsætlanum og dokumentatión av førleikum og krøvum.
Crew Manager ger tað lættari at planleggja manning, arbeiðstørn og aktivitetir — eisini tá nógv fólk, arbeiðsstøð og krøv skulu samskipast.
Fá skjótt yvirlit yvir, um manningin lýkur galdandi krøv, og send rapportir ella førleikayvirlit til kundar og myndugleikar.
Tá førleikar, prógv, arbeiðsætlanir og skrásetingar eru savnað í einari skipan, verður lættari at arbeiða rætt og dagført.
Loysnin er web- og cloudgrundað, so viðkomandi brúkarar kunnu fáa atgongd til neyðugar upplýsingar, tá tørvur er á tí.
SSL brúkar Crew Manager til at fáa betri yvirlit yvir manning, førleikar og myndugleikakrøv. Skipanin gevur bæði starvsfólkum á landi og skiparum umborð atgongd til somu dagførdu dátur og ger kompleksa planlegging lættari.
Crew Manager varð ment í tøttum samstarvi við Skansi Offshore og hjálpir fyritøkuni at manna og vátta førleikar á ein tíðarsparandi hátt, samstundis sum dokumentatión til kundar og myndugleikar verður lættari.